Под исто сонце - Трибина во Делчево „Последиците од малолетнички бракови кај ромската популација“

May 2012

Анкета

Дали ви се допаѓа веб страницата?

	Да
	Не
	Незнам

Дома

Трибина во Делчево „Последиците од малолетнички бракови кај ромската популација“

[english] [romani]

На 18-ти јуни 2008 год. во Делчево се одржа трибина на тема „Последиците од малолетнички бракови кај ромската популација”.
Целта на трибината беше да се подигне свеста кај ромската популација за последиците од склучување малолетнички бракови од 3 аспекти: правен, медицински и социјален. На трибината учествуваа 15 претставници на невладини организации, 2 претставници на институции и 24 граѓани од Делчево и Пехчево.

За правните последици од склучување малолетнички бракови зборуваше Мирјанка Тренчевска, по вокација адвокат. Таа ја образложи законската регулатива за склучување брак со малолетни лица, потребните документи за брак, развод и алиментација. На крајот од своето излагање истакна дека последиците од развод и омраза во поширокото семејство најмногу ги трпат децата. Д-р Војчо Атанасов, специјалист-гинеколог, зборуваше за последиците од прерана бременост, начините на контрацепција кај младата популација, значењето на ПАП-тестовите и психолошкиот момент кај младите мајки кои се сеуште деца. Во своето излагање апелираше на употреба на презервативи како заштита од несакана бременост и полово преносливи болести. Деса Христова од Центарот за социјални работи Делчево објасни дека речиси сите млади брачни двојки од ромската популација се корисници на социјална помош. Центарот за социјални работи често интервенира во случаи кога малолетничка без дозвола од родителите оди да живее кај својот партнер, во голем број случаи и со успешен исход.
Меѓу другото, на трибината се дискутираше за проблемите кои настануваат од врските на малолетници како од иста вероисповед, така и од различна. Беше констатирано дека е голем бројот на вонбрачни заедници кај ромската популација, но и дека има голем број на брачни парови кои не живеат заедно, а не се разведени бидејќи поради лошата економска ситуација немаат пари да ги платат трошоците за развод. Исто така, присутните се согласија дека е сé поголем бројот на млади девојки кои прерано влегуваат во брак заради бременост и се зголемува бројот на жени кои ја прекинуваат несаканата бременост.
Од трибината произлегоа две главни препораки, и тоа: потребна е поголема едукација и информираност за контрацепција и полово преносливи болести (по можност да се организираат вакви трибини и во руралните средини) и потребно е да се воспостави поголема соработка со Центарот за социјални работи и образовните институции.
Трибината ја организираше Фондацијата Институт отворено општество - Македонија во соработка со канцеларијата на проектот во Делчево (Регионален центар за застапување Делчево - поранешен Центар за поддршка на НВО Делчево).

Дневен ред

del56vo

Коментари

Додади ново

Пребарај

< Претходно		Следно >

[ Назад ]

Анкета

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."