|
Jавна дебата „Вклученост на ромските деца во образовниот систем на општина Куманово“ |
|
|
На 23-ти април 2008 год. во Куманово ќе се одржи јавна дебата во рамките на проектот „Живеење во мултиетничка средина – граѓани со еднакви права, можности и заштита“, финансиран од Европската комисија и Фондацијата Институт отворено општество - Македонија (ФИООМ).
Цел на јавната дебата е да придонесе кон размена на ставови,
идентификување и дефинирање на проблемите, како и изнаоѓање на
механизми за надминување на проблемите со кои се соочуваат ромските
деца во сферата на образованието.
Воведен збор на дебатата ќе имаат: Анифе Демировска – Директор на
Управата за развој и унапредување на јазиците на припадниците на
етничките заедници - Скопје, Жика Крстевски – Раководител на одделение
за образование, култура и физичка култура во општина Куманово, Круме
Младеновски – Директор на ОУ „11 Октомври“- Куманово, Мирослава
Илиевска – Дипломиран социјален работник, Центар за социјална работа –
Куманово, Донка Петровска – Претставник од НВО „ДРОМ“ – Куманово.
Проектната компонента Лобирање, застапување и поттикнување на јавната
свест има за цел да ги зајакне капацитетите за лобирање и застапување
кај немнозинските етнички заедници за промовирање и заштита на своите
права, да се зголеми нивото на сензитивност и јавната свест за правата
на немнозинските етнички заедници и да се поттикне воведувањето на
европските стандарди за малцинствата во земјата.
|
