| Регионална работилница „Размена на искуства на НВО мрежи” |
|
|
 Во организација на Фондацијата Институт Отворено општество -Македонија и здружението „Заеднички Вредности” и Фондацијата за развој на локалната заедница – Штип (поранешен Центар за поддршка на НВО) на 17 и 18 октомври 2009 година во Битола се одржа работилница на тема „Размена на искуства на НВО мрежи”.
Во работилницата учествуваа 29 активисти на мрежите формирани во рамките на проектните активности: Мрежата на граѓанските здруженија на Власите од Р. Македонија , Федерацијата на здруженија на граѓани „Хрватски Национален Совет” во Р. Македонија и регионалната мултинационална мрежа „Виадукт” . Целта на работилницата беше да се направи рефлексија на научените лекции од досегашните активности на трите НВО мрежи, да се едуцираат учесниците за јасната дистинкција меѓу стратешкото и оперативното управување со мрежите и да се подготват нацрт-планови за следните чекори на мрежите. Работилницата ја водеше Марио Вељковиќ, кој користеше комбинација на активни форми на работа - дискусија во голема група, практични примери, практична работа во мали работни групи со пасивни форми на презентација, коментари и препораки.  Во рамките на работилницата претставниците од 3-те мрежи подготвија профили на мрежите со кои се претставија пред останатите учесници. Профилите ќе им бидат од корист и во нивното понатамошно промовирање во јавноста во комуникација со потенцијални донатори. Потоа следуваше самоанализа на оперативните задачи на мрежите од аспект на тоа што било најдобро, што може да биде подобро и како тоа да се постигне. На овој начин сите три мрежи направија ревизија на досегашните активности, истите ги анализираа и ги презентираа. Беа презентирани не само успесите туку и сè она што можело да биде подобро, а преку самоанализа се добија и повратни информации од другите учесници за да може да се постави основата за иден развој. Во понатамошниот тек на работилницата следуваше класична интерактивна презентација и се овозможи трансфер на знаења поврзан со феномените лидерство и менаџмент (сличности и разлики). Тоа даде повод за предлози за раздвојување на стратешкото и оперативното управување со мрежите. Беше договорено во идниот период секоја мрежа да подготви план за акција за 2010 година во кој ќе се испланираат следните чекори.Учесниците искажаа позитивни оценки и мислења околу содржината, начинот на водење, методите на учење, како и логистиката и организацијата на семинарот.
kum007
tt117
res493
sht453
sk892
pp776
kic012
sr935
gev375
kr356
Powered by !JoomlaComment 3.26
3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved." |
|||||||||||||||||||||||||||||||||||||||||||||||||||||||||||||||||||||||||||||||||||||||||||
| Следно > |
|---|
