| Работилница за промоција на публикации во Неготино |
|
|
 Работилница „Промоција на публикации” се одржа на 28 октомври 2009 год. во Неготино за 15 претставници од невладини организации и 4 претставници од локални институции од Неготино и Кавадарци. Целта на работилницата беше да се промовираат и дистрибуираат Прирачникот за отстранување на дискриминацијата врз основа на етничка припадност, Водичот за националното законодавство во сферата на употребата на јазиците на етничките заедници во РМ и Извештајот од набљудувањето на локалната администрација јануари 2008 - јуни 2009 како изданија кои имаат значителен придонес за заштита на правата на немнозинските етнички заедници.
Откако беа промовирани споменатите публикации, на работилницата се дискутираше за реализираните активности и остварените резултати од проектот на регионално ниво. Учесниците особено го истакнаа значењето на програмата за обуки која мошне придонесе во јакнењето на нивните капацитети, не занемарувајќи ги секако и останатите активности. Како резултат на успешно спроведените активности беше споменато и ангажирањето на референт за ромски прашања во Општина Кавадарци. Генерален заклучок од дискусијата беше дека и понатаму постои потреба од активности за унапредување на правата на немнозинските етнички заедници и во двете општини, како што досега беше практикувано во рамките на проектните активности. Работилницата беше организирана од страна на Фондацијата Институт отворено општество - Македонија во соработка со локалната канцеларија на проектот во Неготино, поранешен Центар за поддршка на НВО (Центар за локален развој „АНТИГОНЕА“ Неготино) neg073
Powered by !JoomlaComment 3.26
3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved." |
|||||||
| < Претходно | Следно > |
|---|
