|
Работилница - мониторинг, планови за мониторинг и индикатори |
|
|
|
Цели: Локалните мониторинг тимови да добијат знаења, алатки и вештини за мониторинг и анализирање на започнатиот процес на децентрализација во поглед на меѓуетничките односи, посебно на немнозинските етнички заедници, зголемување на нивните можности за подготовка на извештаи и препораки за идни чекори, можности и решенија.
Специфични цели: Мониторинг тимовите ќе дефинираат кои од наведените аспекти ќе бидат премет на мониторинг во соодветните општини.
- Спроведување на меѓународната и домашната легислатива која се однесува на малцинските права кај локалната администрација.
- Правична застапеност на припадници на немнозинските етнички заедници во институциите на системот на локално ниво – во процесите на децентрализација и правична дистрибуција на моќ.
- Работата на Комисиите за односи меѓу заедниците и спроведување на нивните препораки од страна на локалната власт вклучувајќи ги и градоначалниците.
- Сензибилност на локалните власти за решавање на проблемите и потребите на етничките заедници, посочени од локалните засегнати страни.
- Социјалните односи и улогата на граѓанските организации во интеграцијата на етничките заедниците на локално ниво; етнички, малцински мрежи и врските со локалната власт, заедничка соработка за адресирање на прашања кои се однесуваат на немнозинските етнички заедници.
- Практикување други граѓански права од страна на преставници од различни етнички заедници, како на пример, правата на жените кај малцинствата или правата на младите кај малцинствата, во локален контекст.
Учесници: 12 – Локален мониторинг тим (12 х 3 членови) – вкупно 36 членови, Членови на оперативна група на мониторинг - 5 членови, Проект координатори - 2 членови и Проектен менаџер -1 член.
Специјални гости: Ние ќе бидеме почестени доколку на средбата присуствуваат преставници на Делегацијата на Европската комисија, Канцеларија во Скопје како донатори на проектот.
Време на организирање на работилницата: Работилницата ќе се одржи на ден 22.12.2007 година ,Сабота, од 10 до 17 часот, Хотел – Континентал, Скопје.
Очекувани резултати:
- Мониторинг тимовите да стекнат знаења и вештини за анализирање и набљудување на тековните процеси на децентрализацијата во поглед на меѓуетничките односи, особено во немнозинските етнички заедници, како и за подготовка на извештаи со препораки за следните активности, можни мерки и решенија.
- Да се добие алатка за квалитетен и квантитетен мониторинг, за следење на тековните процеси на децентрализација во поглед на меѓуетничките односи, особено при остварувањето на правата на немнозинските заедници во Република Македонија имајќи предвид меѓународната легислатива и домашните закони.
sk892
|
