| Обука „Комуникација и разрешување конфликти и развивање мултиетнички пристап за односи со јавноста” во Струга |
|
|
 Обука на тема „Комуникација и разрешување конфликти и развивање мултиетнички пристап за односи со јавноста” се одржа од 27 до 28 септември 2009 год. во Струга. Целта на обуката беше учесниците да се стекнат со знаења и комуникациски вештини, разбирање на конфликтите во мултиетничко општество како и со вештини за мултиетнички пристап за односи со јавноста. Ерол Адемов, Севаљ Бахтијар и Сеад Исмаил, учесници во програмата Обука за обучувачи , ја спроведоа обуката пред вкупно 23 учесници (17 претставници на невладини организации и 6 претставници на локални институции од Ресен, Струмица и Струга).
Во текот на првиот ден од обуката учесниците беа воведени во поимот ненасилна комуникација како основа за градење мултиетнички односи, по што следуваше практичната вежба „Што ми се допаѓа / не ми се допаѓа во комуникацијата со другите”. Потоа се разгледуваа отворени и затворени прашања со практични вежби за контролиран дијалог, активно слушање, перцепции и предрасуди, а се даде посебен осврт на сопствените и туѓите предрасуди и нивната поврзаност со дискриминацијата. Во текот на првиот работен ден се продолжи со темата предрасуди и стереотипи кон припадниците на  заедниците, разбирањето на конфликтите во мултиетничко општество. На крајот беше објаснет процесот на креативна разработка на конфликтите преку намалување на стравот од конфликтите, јакнење на самодовербата/односот кон стравот и техниките на соочување со заканувачки ситуации. Вториот ден започна со поимот медијација – основни техники, улога на медијаторот и фази на медијацискиот процес, а предавањето беше дополнето со една практична вежба во која учесниците максимално се соживеаја во своите улоги. По оваа интересна игра беа обработени следниве области: национален идентитет, изградба на доверба во мултиетничко општество и пристапи на односи со јавноста во мултиетнички средини. На крајот од вториот работен ден обуката беше затворена со завршна усна евалвација во чии рамки учесниците дадоа позитивно мислење за обуката и обучувачите во целина. Обуката беше организирана од страна на Фондацијата Институт отворено општество – Македонија во соработка со локалните канцеларии на проектот во Ресен, Струмица и Струга (Центар за поддршка на заедницата Ресен, Центар за одржлив развој ПОРТА - Струмица и Здружение за развој и активизам „АКВА“ - Струга, поранешни Центри за поддршка на НВО). sr935 str888 res493
Powered by !JoomlaComment 3.26
3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved." |
|||||||
| < Претходно | Следно > |
|---|
