| Обука на тема „Креирање на јавни младински политики” во Струга |
|
|
 Обука „Креирање на јавни младински политики” за учесници од регионот на Неготино и Кичево се одржа на 25 и 26 септември 2009 год. во Струга. Целта на обуката беше учесниците да се стекнат со знаења и вештини за креирање на јавни младински политики. Елизабета Ристеска, Даниела Јаневска и Димче Велев, кои учестуваа во програмата Обука за обучувачи самостојно ја спроведоа обуката за 8 претставници од локални институции и 15 претставници од невладини организации од Неготино, Кавадарци, Кичево и Вранештица.
Содржинскиот дел на обуката ги отсликуваше следните теми, обработени во одделни сесии: вовед во јавна политика, клучни карактеристики на јавни политики, актери на јавни политики, постоечки политики во Р. Македонија, методи и техники на  креирање јавни политики, вмрежување при креирање јавни политики, претпоставки и предуслови за имплементација (човекови ресурси и капацитети). За време на обуката владееше многу позитивна атмосфера за работа. Учесниците активно се вклучуваа во дискусиите и дадоа свој придонес со дебатирање на одредени прашања. Се воспостави одлична комуникација помеѓу сите присутни, а обучувачите покажаа сериозен пристап кон обуката. Тие со внимание и високо ниво на одговорност ги реализираа предвидените теми и вежби. Обуката беше организирана од страна на Фондацијата Институт отворено општество - Македонија во соработка со локалните канцеларии на проектот во Неготино и Кичево, поранешни Центри за поддршка на НВО (Центар за локален развој „АНТИГОНЕА“ Неготино и Центар за развој на заедницата Кичево). neg073 kic012
Powered by !JoomlaComment 3.26
3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved." |
|||||||
| < Претходно | Следно > |
|---|
