Фондацијата Институт отворено општество – Македонија (ФИООМ), преку 12-те Центри за поддршка на НВО во партнерство со Здружението на граѓани за поддршка на меѓуетнички дијалог и развој на заедницата ,,Заеднички вредности”, го спроведува проектот „Живеење во мултиетничка средина – граѓани со еднакви права, можности и заштита“. Проектот е финансиран од Европската комисија во рамки на Кампања 4: Унапредување на еднаквоста, толеранцијата и мирот на Европската иницијатива за демократија и човекови права (EIDHR) и од ФИООМ.

Целта на проектот е да се подобри статусот на малцинските групи и да се зајакнат капацитетите за активно учество во креирање на јавните политики на локално и на национално ниво. 

Во рамките на компонентата за Градење капацитети и вмрежување се организира обука за обучувачи која има за цел да се оформат специјализирани тимови на обучувачи кои ќе спроведуваат обуки од областа на правата на немнозинските етнички заедници, меѓуетнички односи, разрешување на конфликти и медијација, управување со мултиетнички заедници и други релевантни теми.

Критериуми за избор на учесници на обуката за обучувачи се:

-    учество на обуки на релевантните теми (искуство во испорака на обуки или претходно учество на ТоТ ќе се смета за предност),

-    искуство во реализирани активности/проекти на релевантните теми,

-    мисијата на организацијата од која аплицираат да е поврзана со човекови права или малцински права,

-    спремност за следење на 10 дневна интензивна обука,

-    спремност за учество во спроведување обука (асистирање на минимум 2 обуки и испорака на 1 обука) без надомест,

-    високо образование ќе се смета за предност.

Со лицата кои ги исполнуваат горенаведените критериуми ќе се спроведат интервјуа, врз основа на кои ќе се направи финалната селекција на учесниците на обуката за обучувачи.

Сите заинтересирани треба да достават писмо за изразување интерес и биографија.

Пријавите се доставуваат по пошта на адреса: Бул. „Јане Сандански“ 26/II/2, 1000 Скопје, со назнака „за јавен повик“. Дополнителни информации може да се добијат на е-маил: Оваа адреса на е-пошта е зашититена од спем-ботови, потребно е да го вклучите Javascript-от за да ја погледнете или тел. 032 383 422, лице за контакт: Невенка Лонгурова Гирова.

Краен рок за пријавување е 6 декември 2007.

Коментари

Додади ново Пребарај

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."