| Обука за размена на искуства меѓу младинци од ромска националност од Р. Македонија и Р. Бугарија |
|
|
[english]  На 13-ти и 14-ти декември 2008 год. во Виница, во рамките на компонентата Градење капацитети и вмрежување, се одржа обука на тема „Размена на искуства меѓу младинци од ромска националност од Р. Македонија и Р. Бугарија и нивно пошироко запознавање со областа на човековите права и правата на немнозинските етнички заедници”. На обуката присуствува 13 претставници од ромската мрежа „Рома“ која дејствува во североисточна Македонија и 6 члена од ромската асоцијација „Интегро“ која работи во североисточна и југозападна Бугарија.
Целта на обуката беше да се разменат меѓусебни искуства и да се поврзат младите од ромската етничка заедница од Република Македонија и Република Бугарија. Посебен акцент беше ставен на областа на човековите права, правата на  немнозинските етнички заедници, интеграцијата на Ромите во структурите на општеството, културниот развој, подобрувањето на материјалните, социјалните и економските услови за живот, како и на можностите за институционално решавање на проблемите на етничките заедници на национално и интернационално ниво и меѓусебно координирање на работата на двете мрежи.Обуката ја водеа Даниела Јаневска, учесник во програмата Обука за обучувачи и Мустафа Јакупов, член на оперативната група за мониторинг на локалната администрација во проектот. Излагање за темата имаа и гостите од Бугарија: Џулиета Ефтимова, Ружен Макаринов, Огнен Исаев, Хусмен Ефраум и Александар Јорданов. Во текот на двата дена се работеше во пријатна, конструктивна и динамична атмосфера. При тоа се дебатираше и се покренаа прашања и дискусии кои што беа од особена корист и интерес за сите учесници. За таа цел, беше закажана и следна средба која треба да се одржи во мај 2009 год. во Бугарија. Обуката ја организираше Фондацијата Институт отворено општество - Македонија во соработка со Регионалниот центар за одржлив развој Кратово (поранешен Центар за поддршка на НВО Кратово), а на иницијатива на НВО „Рома прогрес”од Ранковце. [Дневен ред] kr356 kum007
Powered by !JoomlaComment 3.26
3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved." |
|||||||
| < Претходно | Следно > |
|---|
