Фондацијата Институт отворено општество – Македонија на 29 февруари со почеток во 20.10 ч. на ТВ Менада Тетово организира ТВ дебата на тема  Градење на меѓуетничкиот соживот - предизвик за институциите во Тетово. Целта на оваа ТВ дебата е да се промовира улогата на институциите во унапредувањето на меѓуетничките односи и поттикнувањето на меѓуетничко и меѓукултурно разбирање.

На ТВ дебатата ќе учествуваат Аднан Нухи – Претседател на Комисијата за односи меѓу заедниците во општина Тетово, Насер  Ќамили – советник во Советот на општина Тетовo (независен), Марина Обадиќ – Заменик Народен правобранител, регионална канцеларија Тетово и Сретен Коцески – Претседател на Институт за развој на заедницата Тетово. Акцент ќе се стави на улогата на институциите во почитувањето и заштитата на правата на етничките заедници, како и начинот на имплементација на домашните и меѓународните стандарди за заштита на правата на етничките заедници во регионот.
Пред дебатата, ќе се спроведе анкета со граѓани на Тетово, за запознаеноста на граѓаните со институциите на локално ниво, колку веруваат дека институциите можат да помогнат во унапредување на соживотот. 

Коментари

Додади ново Пребарај

Напиши коментар
Име:
Email:	do not notifynotify
Наслов:
	Please input the anti-spam code that you can read in the image.

Powered by !JoomlaComment 3.26

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."