Под исто сонце - Регионална средба на заменикот на Народниот правобранител во Штип

February 2012

Анкета

Дали ви се допаѓа веб страницата?

	Да
	Не
	Незнам

Дома

Регионална средба на заменикот на Народниот правобранител во Штип

[english]

На 17 декември 2008 год. во Штип се одржа регионална средба на Народниот правобранител - регионална канцеларија Штип, Комисиите за односи меѓу заедниците и Советите на општините од Штип, Виница, Делчево, Зрновци, Карбинци, Кочани, Македонска Каменица, Пробиштип, Свети Николе, Чешиново-Облешево и Лозово. На регионалната средба присуствуваа 40 претставници од Комисиите за односи меѓу заедниците и Советите на општините и 2 претставници од невладиниот сектор. Модератор на средбата беше Игор Тасевски од Центарот за граѓанска иницијатива од Прилеп. Рајна Панова, заменикот на Народниот правобранител од регионалната канцеларија во Штип, имаше воведно излагање каде се осврна на улогата и надлежностите на Народниот правобранител. Таа објасни дека има многу малку претставки кои се однесуваат на дискриминација на етничките заедници, што не значи дека нема дискриминација, туку дека откривањето на дискриминацијата е многу суптилна работа и поради тоа се потребни механизми со кои таа ќе се лоцира. Го посочи законот за заштита од дискриминација, кој се очекува да биде усвоен во 2009 година. Ерол Адемов, референт за решавање на прашања на припадниците на заедниците во општина Штип, има остварено контакти со регионалната канцеларија на Народниот правобранител со цел разрешување на проблемите кои граѓаните ги пријавуваат кај него. Го истакна проблемот со правичната застапеност на немнозинските етнички заедници во јавната администрација, а смета дека особено маргинализирана е ромската популација. Претседателката на Комисијата за односи меѓу заедниците од Лозово објасни дека Комисијата не била активна во изминатиов период, меѓу другото и затоа што досега немало проблеми меѓу заедниците во Лозово. Од друга страна, советниците од општина Штип истакнаа дека во нивната општина нема нарушувања на правата на граѓаните од аспект на етничката припадност, бидејќи општината има усвоено акциони планови и други акти кои имаат допирни точки со потребите на немнозинските етнички заедници.
Од регионалната средба произлегоа следните заклучоци: Народниот правобранител континуирано да ги презентира своите надлежности пред граѓаните (да се продолжи со промоциите во руралните средини, информативните материјали за надлежностите да бидат поставени на пристапни места во општините, комисиите за односи меѓу заедниците и референтите за односи со заедниците да ја зголемат соработката со Народниот правобранител и да ги информираат граѓаните за неговата улога), да се подобрат механизмите за подобрување на односите меѓу заедниците во општините (во општините да постои или комисија за односи меѓу заедниците или референт за односи со заедниците, комисиите/референтите да бидат вклучени во креирањето на јавните политики на локално ниво, сите комисии за односи меѓу заедниците кои функционираат во рамките на општинските совети да подготват функционални годишни планови за работа, извештаите од референтите за односи со заедниците да бидат дистрибуирани до Министерството за локална самоуправа и ЗЕЛС заради размена на позитивни искуства).
Регионалната средба ја организираше Фондацијата Институт отворено општество – Македонија во соработка со локалните канцеларии на проектот во Штип и Делчево (Фондација за развој на локалната заедница Штип и Регионален центар за застапување Делчево, поранешни Центри за поддршка на НВО).

Дневен ред

sht453
del56vo

Коментари

Додади ново

Пребарај

< Претходно		Следно >

[ Назад ]

Анкета

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."