МУЛТИЕТНИЧКИ ХЕПЕНИНГ ПОД ИСТО СОНЦЕ
дискусии, традиција, фолклор, концерт:

[shqip]  [english] 

Голем мултиетнички хепенинг „Под исто сонце“

На 1 ноември 2008 год, во 10 часот на Скопски саем започнува првиот мултиетнички хепенинг„Под исто сонце“. Хепенингот е дел од кампањата за промоција на мултиетничките вредности и поттикнување на меѓусебното почитување на етничките заедници во Македонија. Посетителите ќе имаат можност да се запознаат со културата и традицијата на различните заедници. Ќе бидат претставени традиционални носии, ракотворби, кулинарски специјалитети и фолклорни игри од различни градови во Македонија.
Ќе се дискутира и за исполнувањето на одредбите од Рамковниот договор, положбата на заедниците во Македонија, спецификите на македонскиот мултикултурализам и европските перспективи. Настанот ќе го отворат Н.Е. Ерван Фуере, специјален претставник на Европската унија и шеф на Делегацијата на Европската Комисија, Владимир Милчин, Извршен директор на Фондацијата Институт отворено општество – Македонија (ФИООМ) и Хајрије Ахмед, претседател на НВО „Заеднички вредности“ .
Како завршница на еднодневниот мултиетнички хепенинг, со цел создавање простор за дружење на младите, во Метрополис арената (хала 1) од 21 часот до 24 часот ќе настапат групите Бла-бла-бла, Ареа и Тони Китановски со Черкези.
Влезот за сите посетители на хепенингот е слободен.

Настанот го организира Фондацијата Институт отворено општество – Македонија во рамки на проектот „Живеење во мултиетничка средина – граѓани со еднакви права, можности и заштита“ финансиран од Европската Комисија и ФИООМ.

[Програма]   [Programi]   [Program]   [Плакат]   [Флаер]  

[Листа на вклучени организации] 

Коментари

Додади ново Пребарај

Напиши коментар
Име:
Email:	do not notifynotify
Наслов:
	Please input the anti-spam code that you can read in the image.

Powered by !JoomlaComment 3.26

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."