| Последователна работилница во Струга од регионалната средба со Народниот правобранител |
|
|
На 11.06.2008 год. во Струга се одржа работилница на тема „Улогата на Комисијата за односи меѓу заедниците во унапредувањето на мултиетничкиот живот во Струга”. Работилницата е дел од активностите предвидени во проектот Живеење во мултиетничка средина – Граѓани со еднакви права, можности и заштита, финансиран од Европската комисија и Фондацијата Институт отворено општество – Македонија (ФИООМ).
Во тематската работилница учествуваа вкупно 32 учесници: претставници од општина Струга, советници од Советот на општина Струга и претставници од невладини организации што работат на малцински прашања. Можност за учество во дискусијата имаа сите учесници со цел подобрување на соработката и комуникацијата меѓу сите релевантни чинители. На тематската работилница се дискутираше за недоволната соработка и комуникација меѓу советниците и членовите на Комисијата за односи меѓу заедниците, општината и невладините организации, како и за надминувањето на овие проблеми. Се разјасни улогата на Комисијата и потребата од поблиска соработка со Советот во резрешувањето на клучните прашања за соживотот во Струга. Покрај тоа, се разговараше и за нормативните одредби во Законот за локална самоуправа и потребата за попрецизно дефинирање на ингеренциите на Комисијата за односи меѓу заедниците. Тематската работилница ја организираше ФИООМ во соработка со Здружението за развој и активизам „Аква“ - Струга (поранешен Центар за поддршка на НВО Струга). sr935
Powered by !JoomlaComment 3.26
3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved." |
|||||||
| < Претходно |
|---|
